Bale, i bɔ, i Sɛbɛ zin nɔ ko lɛ, I Dére néné wezannu sɔ ko lɛ. A san éé zén-é yifaama kolé zi ta, ’Té ko tawoo Jézu lé tawobɛ gi.

Ko Sɛbɛ ta fe, yé ko gi éé v’ruan, Gyɛzorowe blɛnblennu lé wa gyɛ mi; Ko a ta fe é ziin, yé ko gi éé nanaa, I Dére zin lé ke ilé nénu béli b’ru nya.

We wezannu lé wa gyɛ Sɛbɛ ’ko ta, Wo ’ka si lɛ blami ’wuo gi é pla lo. Bale Léli Sauun bozen we ’konu nagɔɔn Bale lé munu lɛ yé wo wo gyɛ é kyɛn.

I D’re paale munu gi ma t’nɔ a blɛn; Mi daanle weple ma koo, mi drɔle koo, Mi gyɛle we nya koo, mi bélile koo, We teg’le paale mi gi koo, wo faa lé.

Oo Bale D’re, bii ɛ ke kyɛbɔ nya, I zi zin nagɔɔn-an mi lɛ yifaama. Bii a é ziin kyɛbozen nya; ’i da, ’I wenyanénu faa kyɛ ble an bli gi.

Bale Dére a é ziin ko zurufɛ nya; É a ’léé- fié gwɔun- ’lɛzan nya; Éé an bɔn-in bɔrələnu faa lé we blé, Éé an zuruwo, éé gun faé sié an ma.