Jézu ga ko sile we gi we ma, Yé é nwa é yuɛma é ziin. Yé élé munu a gi dɔɔ léé, É a é dɔle we faa nwiin. Ye Jézu lé ’élé munu lɛ léé, ’Wo faa zén ékeva fɛ dona, ’Wo nyana Jérusalɛm, yé ’wo vo Tɔrɔpaazan lɛbɛnna.

Kyɛ, ’i zun ko ta, (2) Lagi kyɛ, ’i zun sin ma; Bale Léli, ko i lɛbɛn-é, ’I zun sin ko bli gi ma. Kyɛ, ’i zun ko ta, (2) Lagi kyɛ, ’i zun sin ma, Léli Sauun- lé ke la gi, ’I zun, ’i nyana sin ko bli gi.

Mi yɔ suiɛdo Jézu lɛdɔma, Wo vo Tɔrɔpaazan lɛbɛnna; Wolé we faa kɛlɛ teg’le, Yé wo faa bli gi k’lɛ do. Kazambale Léli Sauun- pa zia, Yé é zun wo fafa nwiin do do, Bélé kyɛ nɛnɛ féngyɛle zo, Yé Bale wo suu é Léli nya.

É sɔ ko lɛ léé, kolé we ’é k’lɛ Bélé Éli lé we zin kyɛn zo. É- za k’lɛ yolɛzannu va, Wo balebana dɔ do do. Yolɛzannu vo ’wolé yo laana, Yé é ’ka wo dére ’ma lɛ lo. Bale bozen Éli dére ’ma, Yé é kyɛ zun ’bɛna é nya do.

Bale léé, é dan é Léli nwunvɔ lɛ Élé blibɔmazannu ta sin; Gɔnénu koo, pɛniɛnu koo, Lomu koo, wo fafa lé. Nékénénénu é ziin wo bɔalɛ Yé wo Léli zin lé plevlɛ ye; É léé: ’Ka bli vo a yele lɛ, Ka dan a ye lɛ weboen nya.

Kazambale, ’i ko lɔlu ma so Ibozen banna lé kyɛ nyɛ nya. ’I bɔ ko va, ko i bɔ vɔ, Yé ko i tɔ zin fe ma. ’I ko fan, té fɛna do é vo lo, Yé ko biibozen lé plevlɛ ye. Ilé sɔlɛwe k’lɛ ko lɛ, ’I zun sin ko faa ta, é nya do.